सुन तस्करीमा संलग्न पूर्व उपराष्ट्रपति पुनका सल्लाहकार जीवन गुरुङविरुद्ध मुद्दा दर्ता

काठमाडौं : १४ किलो सुन तस्करीमा संलग्न आरोपमा थुनामा रहेका जीवनकुमार गुरुङविरुद्ध जिल्ला अदालत काठमाडौंंमा मुद्दा दर्ता भएको छ। त्रिभुवन विमानस्थल भन्सार कार्यालयले गुरुङसँग १ अर्ब ४० करोड बिगो मागदाबी गर्दै शुक्रबार मुद्दा दर्ता गरेको हो।

१४ किलो सुन तस्करीमा संलग्न गुरुङविरुद्ध मुद्दा दायर भएको हो। दुबईबाट आएको १४ किलो सुन तस्करीमा उनको कनेक्सन देखिएको थियो। यो सुन गोरखाका चन्द्र घलेले ल्याएका थिए। गुरुङ डिल्लीबजारमा सञ्चालित प्लाटिनम कलेजका प्रमुख कार्यकारी अधिकृत हुन्।