दक्षिण युक्रेनमा विद्युत कटौती : रुसी अधिकारीको आरोप

रुसी कब्जामा रहेको दक्षिणी युक्रेनमा युक्रेनी सेनाको आक्रमणपछि दुई लाखभन्दा बढी घरबास बिजुलीविहीन भएको मस्कोस्थित अधिकारीहरूले आइतबार बताएका छन् ।

मस्को–स्थापित अधिकारी येभ्गेनी बालिट्स्कीका अनुसार ‘यस क्षेत्रको ऊर्जा पूर्वाधारमा शत्रुको आक्रमणपछि जापोरिजिया क्षेत्रको ठूलो भाग बिजुलीविहीन भएको छ ।’ उहाँका अनुसार आक्रमणले जापोरिजियाका दुई लाख १३ हजार ग्राहक र ३८६ इलाकामा विद्युत् सेवा अवरुद्ध भएको छ ।