जाजरकोट भूकम्प : अस्थायी आवास निर्माणका लागि दुई नमुना सार्वजनिक

सरकारले जाजरकोट भूकम्पबाट प्रभावितहरूको अस्थायी आवास निर्माणका लागि दुई नमुना सार्वजनिक गरेको छ । सार्वजनिक नमुनाको आधारमा भूकम्प प्रभावितले अस्थायी आवास निर्माण गर्न सक्नेछन् भने आवास निर्माण गर्दा भूकम्पले क्षति गरेको घरका उपयोगी सामान प्रयोग गर्न सकिने कार्यविधिमा उल्लेख छ ।

यस्तै आवास निर्माण गर्न स्थान वा भूसतहको कारणले सम्भव नभए भविष्यमा भान्सा घर, गोदाम, गोठ, मतान आदिमा उपयोग हुने गरी बनाउन सकिने पनि कार्यविधिमा उल्लेख छ ।