नेपालीसहित ५० देशका नागरिकलाई अब अमेरिकामा ‘भिसा बोन्ड’

काठमाडौं । अमेरिकी विदेश मन्त्रालयले आफ्नो ‘भिसा बोन्ड’ कार्यक्रमलाई स्थायी बनाएको छ । योसँगै कन्सुलर अधिकारीहरूले ५० देशका निश्चित बी–१/बी–२ भिसा आवेदकसँग अधिकतम २० हजार अमेरिकी डलरसम्म धरौटी (बोन्ड) माग गर्न सक्ने भएका छन् ।

विदेश मन्त्रालयले एक वर्षसम्म परीक्षण कार्यक्रम सञ्चालन गरेपछि त्यसलाई स्थायी बनाउने निर्णय गरेको हो । यो नीति मुख्य रूपमा अफ्रिकाका देशहरूका साथै नेपाल, बंगलादेश र भुटानसहित ५० मुलुकका नागरिकमा लागु हुनेछ । भारत भने हाल यो सूचीमा समावेश छैन ।