पर्यटन प्रवर्द्धनमा जुट्यो साकेला गाउँपालिका

खोटाङ — साकेला गाउँपालिका पर्यटन प्रवर्द्धनमा जुटेको छ । तावाभन्ज्याङ, मपारुङभीर, धन्नेश्वरी महादेव लगायत धार्मिक सांस्कृतिक पर्यटनको विकास गरी समृद्धि हासिल गर्ने उद्देश्यले पर्यटन प्रवर्द्धनमा जुटेको हो ।

गाउँपालिका अध्यक्ष रविप्रकाश राईका अनुसार पर्यटन प्रवर्द्धन गरी समृद्धि हासिल गर्न विभिन्न संरचना निर्माण भइरहेको छ । ‘समृद्ध साकेला निर्माण’ भन्ने मूल नाराका साथ पर्यटनको माध्यमबाट समग्र साकेलाबासीलाई समृद्धि दिलाउने लक्ष्य राखिएको गाउँपालिकाले जनाएको छ ।