चीनको गान्सु प्रान्तमा पहिरो र बाढीबाट मृत्यु हुनेको संख्या २५ पुग्यो

बेइजिङ । चीनको उत्तरपश्चिमी गान्सु प्रान्तमा गएको साता परेको अविरल वर्षापछि आएको आकस्मिक बाढी र पहिरोका कारण मृत्यु हुनेको संख्या २५ पुगेको छ भने २३ जना घाइते भएका छन् ।

यसअघि जुलाई २६ मा डिङ्सी सहरअन्तर्गत रहेको वेइयुआन काउन्टीमा परेको भीषण वर्षापछि १० जनाको मृत्यु भएको जानकारी सार्वजनिक गरिएको थियो । तर पछिल्लो सरकारी विवरणअनुसार मृतकको संख्या बढेर २५ पुगेको हो ।