मुख्य सामग्रीमा जानुहोस्

समाचार

स्वास्थ्य

वीरको आकस्मिक कक्षमा एक बेड एक बिरामी

nagariknews.nagariknetwork.com · Sat Oct 03 02:34:54 GMT 2026

राष्ट्रिय चिकित्सा विज्ञान प्रतिष्ठान (न्याम्स) वीर अस्पतालको आकस्मिक कक्षमा पुग्दा अहिले पहिलेको भन्दा भिन्न दृश्य देख्न सकिन्छ। न भिड छ, न एउटै शय्यामा दुई–तीन जना बिरामी। त्यहाँ एक जना बिरामी र आवश्यक चिकित्सक मात्र देखिन्छन्। अस्पतालले एक महिनादेखि आकस्मिक कक्षमा एक शय्यामा एक जना मात्र बिरामी राख्ने व्यवस्था मिलाएपछि उपचारका लागि पुग्ने बिरामीले शान्त वातावरणमा उपचार पाउन थालेका छन्।

वीर अस्पतालको आकस्मिक कक्ष प्रमुख डा. सुरेश नेपालका अनुसार एक महिनादेखि अस्पतालले आकस्मिक कक्षमा आउने बिरामीका लागि ‘एक शड्ढया एक बिरामी’ नीति लागु गरेको हो। यसअघि अस्पतालमा पुग्ने बिरामीको भर्ना व्यवस्थापन र आवश्यकता अनुसार रेफरको व्यवस्था नहुँदा एउटै शय्यामा दुई–तीन जना बिरामीको उपचार गर्नुपर्ने अवस्था थियो। पछिल्लो समय आकस्मिक कक्षमा पुगेका बिरामीको ६ घण्टाभित्र सबै परीक्षण सकेर वार्डमा भर्ना गरिसक्नुपर्ने, आइसियु खाली नभए गम्भीर प्रकृतिका बिरामीलाई अन्यत्र रेफर गर्ने तथा कक्षको ‘ग्रिन जोन’ मा रहेका बिरामीलाई आकस्मिक कक्षकै बहिरंग विभागबाट स्वास्थ्य जाँच गर्ने व्यवस्था गरेपछि एक शय्यामा एक बिरामीको नीति लागु गर्न सम्भव भएको डा. नेपालले बताए। ‘ओपिडीमै जाँच गरेर उपचार गर्न मिल्ने बिरामीलाई कक्षमाथिको जनरल ओपिडीमार्फत सेवा दिएर पठाउँछौं,’ उनले भने।

स्रोतमा पूरा पढ्नुहोस् (nagariknews.nagariknetwork.com)