निर्माण भइसकेको वधशाला सञ्चालन नहुँदै अर्को बनाउन जग्गाको खोजी

बुटवल । बुटवलमा निर्माण भएको वधशाला सञ्चालन गर्न ढिलाइ भइरहेकै समयमा अर्को वधशाला निर्माणका लागि जग्गाको खोजी सुरु भएको छ ।

लुम्बिनी प्रदेश सरकार, बुटवल उपमहानगरपालिकाको लगानी र हेफर इन्टरनेशनल नेपालको प्राविधिक सहयोगमा बुटवल–१० मा निर्माण भएको पशु वधशाला सञ्चालनका लागि उपमहानगरसँगको सम्झौता तोडिएपछि आफूहरू अर्को वधशाला बनाउने योजनामा रहेको बुटवल मासु उत्पादन तथा प्रशोधन प्रालिका अध्यक्ष कृष्णप्रसाद पौडेलले रातोपाटीलाई बताए ।