सुस्तामा बाढीको वितण्डाः घरघरमा तीन फिटसम्म बालुवा (फोटो फिचर)

केही दिनअघिको वर्षासँगै नारायणी नदीमा आएको बाढीका कारण पश्चिम नवलपरासीको सुस्ता गाउँपालिका–५ स्थित सुस्ता क्षेत्रमा ठुलो क्षति पुगेको छ। बाढीले एकातिर ठुलो क्षेत्रफलको जमिन कटान गरेको छ भने अर्कोतिर घरघरभित्रै भारी मात्रामा बालुवा र लेदो थुप्रिएको छ।

बाढीका कारण सुस्ताका थारू टोल, बड्की टोल, सैनिक टोल र क्याम्प टोलका बस्तीमा घर, आँगन र सडकमा दुईदेखि तीन फिटसम्म बालुवा र लेदो जमेको छ। कतिपय घर आधासम्म पुरिएका छन्। कच्ची घर तथा छाप्रा ढलेका छन् भने नदीले बगाएर ल्याएका रुखका मुढाहरू घरअगाडि थुप्रिएका छन्।