बाढीपहिरो पीडितलाई एनआरएनएको १२ लाखको राहत

गैरआवासीय नेपाली संघ (एनआरएनए) ले बागलुङको निसीखोला र ताराखोलाका बाढीपहिरो पीडितलाई १२ लाख रुपियाँ बराबरको राहत सामग्री सहयोग गरेको छ।

एनआरएनएले निसीखोला गाउँपालिकाका बाढीपहिरो पीडितलाई सात लाख र ताराखोलाका बाढीपहिरो प्रभावित परिवारलाई पाँच लाख रुपियाँ बराबरको खाद्यान्न, लत्ताकपडा तथा आवश्यक सामग्री जिल्ला प्रशासन कार्यालयमार्फत उपलब्ध गराएको एनआरएनएका प्रवक्ता सोमनाथ सापकोटाले जानकारी दिनुभयो।