नवलपरासी पूर्वमा यात्रुवाहक बस दुर्घटना, ६ जनाको ज्यान गयो

नवलपरासी पूर्व — नवलपरासी पूर्वको बिनयी त्रिवेणी गाउँपालिका–२ स्थित चौसठ्ठी मोडमा यात्रुवाहक बस दुर्घटना हुँदा ६ जनाको मृत्यु भएको छ भने १० जना घाइते भएका छन्।

प्रहरीका अनुसार नेपालगञ्जबाट काठमाडौंका लागि छुटेको प्रदेश–३–०१–००६ ख १५५३ नम्बरको बस बिहान करिब ४ बजे दुर्घटनामा परेको हो। चालकले बस नियन्त्रणमा लिन नसक्दा सडकबाट तल नालामा खसेर बस पल्टिएको सशस्त्र प्रहरी बलका सहप्रवक्ता डिएसपी शैलेन्द्र थापाले जानकारी दिए।