नवलपरासी बस दुर्घटनामा घाइते १० जनाको पहिचान खुल्यो

काठमाडौं । नवलपरासी पूर्वमा यात्रुवाहक बस दुर्घटना हुँदा ६ जनाको मृत्यु भएको छ भने १० जना घाइते भएका छन्। विनयी त्रिवेणी गाउँपालिका–२ स्थित पूर्व–पश्चिम राजमार्गको एस मोडमा नेपालगञ्जबाट काठमाडौं आउँदै गरेको प्रदेश–३–०१–००६ ख १५५३ नम्बरको बस दुर्घटनामा परेको हो। चालकले नियन्त्रण गुमाउँदा बस सडकबाट नालामा पल्टिएको प्रहरीले जनाएको छ।

प्रहरीका अनुसार बसमा चालकसहित १८ जना सवार थिए। दुर्घटनामा ६ जनाको मृत्यु भएको, १० जना घाइते भएको र दुई जना सकुशल रहेका छन्। मृतकमध्ये जाजरकोटको भेरी नगरपालिका–३ का ५० वर्षीय निर्जुङ खत्रीको पहिचान खुलेको छ। बाँकी पाँच मृतकको विवरण खुल्न बाँकी रहेको प्रहरीले जनाएको छ।