निर्वाचन सुधारका लागि आयोग र राजनीतिक दलबीच छलफल

निर्वाचन आयोगले निर्वाचन तथा राजनीतिक दल व्यवस्थापनका विषयमा सरकारका तीनै तहमा प्रतिनिधित्व भएका राजनीतिक दलहरूसँग छलफल गरेको छ।

शुक्रबार आयोगले निर्वाचनमा बढीभन्दा बढी मतदाताको सहभागिता, बदर मत न्यूनीकरण, मतदाता नामावलीको शुद्धता, विदेश तथा अन्तरजिल्ला मतदानको व्यवस्था, निर्वाचनमा सूचना प्रविधिको प्रयोगलगायत विषयमा छलफल गरेको हो।