हापुरखोलाको पुल निर्माण हुँदै

दाङको घोराही–तुलसीपुर सडक अन्तर्गत निर्माणाधीन पुलको कामले गति लिन थालेका छन् । ठेक्का सम्झौता भएर सुस्त गतिमा काम भइरहेको सो पुलको कामले पछिल्लो समय भने गति लिएको छ ।

हापुरखोलामा निर्माणाधीन चार लेन पुलको भौतिक प्रगति ४० प्रतिशत पुगेको छ । ठेक्का सम्झौता अनुसार २०८४ पुस २८ गतेसम्म सक्नुपर्ने पुल निर्माणको काम करिब आधा भएको छ । चार लेन पुल निर्माणका लागि २०७९ असार २९ गते २७ करोड ८४ लाख ३१ हजार सात सय रुपियाँमा शर्मा सगुन जेभी रुपन्देहीसँग ठेक्का सम्झौता भएको थियो । सम्झौता अनुसार २०८२ पुस महिनामा पुल निर्माणको काम सकिनुपर्ने भए पनि काम नै सुरु नभएपछि दुई वर्षका लागि म्याद थप गरिएको थियो ।