जनमत पार्टीको दोस्रो महाधिवेशन सुरु, अध्यक्षमा सीके राउतको एकल उम्मेदवारी

जनमत पार्टीको दोस्रो महाधिवेशन सुरु भएको छ। महाधिवेशनबाट चयन हुने केन्द्रीय कार्यकारिणी समितिका विभिन्न पदमा कुल १०३ जनाले उम्मेदवारी दिएका छन्।

अध्यक्ष पदमा डा सीके राउतको मात्रै उम्मेदवारी परेको छ। अध्यक्षमा एकल उम्मेदवारी परे पनि पार्टीको विधानअनुसार मतदान हुनेछ। अध्यक्षमा निर्वाचित हुन राउतले खसेको सदर मतको कम्तीमा २० प्रतिशत मत प्राप्त गर्नुपर्ने व्यवस्था छ। अन्य पदमा भने प्रतिस्पर्धात्मक निर्वाचन हुँदैछ। महाधिवेशनमा दुई हजारभन्दा बढी मतदाता सहभागी हुने जनाइएको छ।