इन्डोनेसियामा समुद्रको बिचमा आगलागी : पाँचजनाको मृत्यु र ४१ बेपत्ता

काठमाडौं । इन्डोनेसियामा समुद्रको बिचमा एउटा फेरीमा आगलागी हुँदा त्यसमा सवार पाँचजनाको मृत्यु भएको छ । ४१ जना बेपत्ता भएका सरकारी अधिकारी हरूले बताएका छन् ।

राष्ट्रिय खोजी तथा उद्धार एजेन्सी ‘बसरनास’ का अनुसार, फेरीमा कुल २७१ जना सवार थिए । यो जहाज पूर्वी जाभाको सुराबायाबाट दक्षिण सुलावेसीको मकासारतर्फ जाँदै थियो । यात्राका क्रममा मदुरा टापुनजिकै फेरीमा आगलागी भएको थियो । यसलगत्तै कप्तानले घटनाको जानकारी अधिकारीहरूलाई गराएका थिए ।