बाल कुपोषण र भोकमरी उन्मूलन गर्न इनफ अभियान

काठमाडौँ । महिला बालबालिका तथा ज्येष्ठ नागरिक मन्त्री भगवती चौधरीले बालबालिकालाई कुपोषित हुनबाट जोगाउनका लागि गर्भावस्थादेखि नै विशेष ख्याल गर्नुपर्नेमा जोड दिएकी छिन् ।

बालबालिकाको क्षेत्रमा कार्यरत वर्ल्ड भिजन इन्टरनेश्नल नेपाल र सामुदायिक रेडियो प्रसारक सङ्घ (अकोराब) को सहकार्यमा बिहीबारबाट सुरु भएको बाल कुपोषण र भोकमरीविरुद्धको इनफ घोषणा कार्यक्रममा उनले तीनै तहका सरकार र सरोकारवाला निकाय कुपोषण अन्त्यका लागि एक जुट हुने हो भने अझ धेरै राम्रो नतिजा निकाल्न सकिने बताइन् ।