बागमती प्रदेश सभामा सत्ता पक्ष र प्रतिपक्षबिच आरोप–प्रत्यारोप

मकवानपुर । बागमती प्रदेश सभा बैठकमा सत्तारुढ दलहरू र विपक्षी दलहरूबिच आरोप–प्रत्यारोप चलेको छ । सरकारको आगामी आर्थिक वर्षको नीति तथा कार्यक्रममाथि छलफलका लागि बिहीबार बिहान १० बजेदेखि बसेको बैठकमा सत्ता पक्षका दलले सरकारको बचाउ गर्दा विपक्षी दलहरूले जमेर आलोचना गरे ।

बिहीबार २ चरणमा प्रदेश सभा बैठक बसेको थियो । बैठकमा ३८ जना सांसदले दलगत रुपमा धारणा राखेका थिए । बैठकमा सत्तापक्ष (एमाले, माओवादी र एकीकृत समाजवादी) पार्टीका सांसदहरूले सरकारको समर्थन गर्दै नीति तथा कार्यक्रमको बचाउ गरेका छन् भने विपक्षी दल (कांग्रेस, राप्रपा र नेमकिपा)ले कडा आलोचना गरे ।