गोलबजारको कर्फ्यू पूर्णरूपमा हटाइयो, सामाजिक सद्भाव बढाउन अनुरोध

सिरहा । सिरहाको गोलबजार नगरपालिकामा केही दिनदेखि लागू रहेको कर्फ्यू आदेश हटाइएको छ। जिल्ला प्रशासन कार्यालयले सुरक्षा अवस्था सामान्य बन्दै गएको निष्कर्ष निकाल्दै आइतबार साँझ ७ बजेदेखि आदेश निष्क्रिय बनाएको हो।

प्रमुख जिल्ला अधिकारी सुरेन्द्र पौडेलले जारी गरेको सूचनामा पछिल्लो समय जिल्लाको शान्ति–सुरक्षाको अवस्था सन्तोषजनक देखिएकाले कर्फ्यू कायम राख्नुपर्ने आवश्यकता नरहेको उल्लेख गरिएको छ।