गोरखामा मौन महामारीका रूपमा फैलिँदै नसर्ने रोग

गोरखामा प्रत्येक वर्ष विभिन्न किसिमका महामारी जस्तै- बाढी, पहिरो, सिजनल फ्लु, कोभिड-१९, डेंगु, मलेरिया जस्ता विपद्हरूबाट व्यापक रूपमा जनधनको क्षति हुँदै आएको छ। यी घटनाहरूबाट धेरैको अकालमा ज्यान जानुका साथै ठूलो मात्रामा भौतिक एवं प्राकृतिक क्षति हुने गरेको छ।

बदलिँदो जीवनशैली, असन्तुलित आहार र शारीरिक निष्क्रियतासँग जोडिएका उच्च रक्तचाप, मधुमेह, मुटुरोग तथा मानसिक समस्या बढ्दै गएको कुरा गोरखा जिल्लामा आर्थिक वर्ष २०८२/०८३ मा सञ्चालन गरिएको मधुमेह, उच्च रक्तचाप, रक्तअल्पता, मानसिक समस्या तथा अन्य नसर्ने रोगको स्क्रिनिङ कार्यक्रमपश्चात् गरिएको तथ्यांक विश्लेषणले देखाएको छ। यसबाट नसर्ने रोग तथा मानसिक रोगको अवस्था गम्भीर बन्दै गएको प्रस्ट हुन्छ।