२६ दिनदेखि एम्बुलेन्स रोकिए, बिरामी सुरक्षाकर्मीको काँधमा

इलाम । सडकको बीचमा पहिरो । पहिरोको छेउमा एम्बुलेन्स रोकिएकोे छ, अर्कोतिर अस्पताल पुग्न छट्पटाइरहेको बिरामी । बीचमा सडक छैन । छ त केवल जोखिम । यो दृश्य कुनै दुर्गम हिमाली बस्तीको होइन ।

यो त पूर्वको प्रमुख राजमार्ग हो, जहाँबाट हजारौं नागरिक दैनिक आवतजावत गर्थे । अहिले ठप्प छ । तस्बिरमा देखिएको बिरामीलाई चार जना सुरक्षाकर्मीले काँधमा बोकेका छन् । प्रहरी, सशस्त्र प्रहरी र नेपाली सेनाले स्ट्रेचर काँधमा बोकेर बिरामीलाई पहिरो पार गराउँदै छन् ।