डिजिटल अर्थतन्त्रमा निजी क्षेत्रसँग सहकार्य गर्न सरकारलाई गगन थापाको आग्रह

नेपाली कांग्रेसका सभापति गगनकुमार थापाले डिजिटल अर्थतन्त्रको दिगो विकासका लागि सरकारले निजी क्षेत्रसँग विश्वासका आधारमा सहकार्य गर्नुपर्ने बताएका छन्।

आइतबार सानेपास्थित पार्टी केन्द्रीय कार्यालयमा आयोजित ‘डिजिटल इकोनोमी: स्थानीय रोजगारी र पहुँच विश्वबजार’ विषयक अन्तरक्रिया कार्यक्रममा बोल्दै सभापति थापाले सरकारले स्पष्ट योजना, दीर्घकालीन सोच र निजी क्षेत्रप्रतिको भरोसाका साथ अघि बढ्नुपर्ने आवश्यकता औंल्याए।