विशेष महाधिवेशन पक्षधरले कांग्रेसको नीति छाडेर ‘रास्वपा’ को शैली अङ्गीकार गरे :  नेता महत

काठमाडौँ । नेपाली कांग्रेसका असन्तुष्ट समूहका नेता तथा पूर्वसहमहामन्त्री प्रकाशशरण महतले पार्टी नेतृत्वको कार्यशैली र वैचारिक दिशामाथि गम्भीर प्रश्न उठाएका छन् । शनिबार काठमाडौँमा आयोजित अन्तरक्रियामा महतले कांग्रेसलाई ‘कांग्रेस २.०’ बनाउने नाममा पार्टीको स्थापित पद्धति र मौलिक विचारलाई लत्याउँदै रास्वपाको शैलीमा लैजान खोजिएको आरोप लगाए।

नेता महतले पार्टी सभापति गगनकुमार थापा र उपसभापति विश्वप्रकाश शर्माप्रति लक्षित गर्दै कांग्रेसले आफ्नो वैचारिक पहिचान गुमाउँदै गएको बताए। उनले ‘डेमोक्रेटिक सोसियोलिजम’ (प्रजातान्त्रिक समाजवाद) छाडेर ‘सामाजिक समाजवाद’ को वकालत गर्नु रास्वपाको नीतिलाई पछ्याउनु भएको टिप्पणी गरे।