चीनको दबाबबीच ताइवान पुग्यो अमेरिकाको एफ–१६भी लडाकु विमान

काठमाडौं । ताइवानले लामो समयदेखि ढिला हुँदै आएको दुईवटा एफ–१६भी लडाकु विमान प्राप्त हुनुलाई अमेरिकाको सैन्य समर्थन निरन्तर रहेको संकेतका रूपमा स्वागत गरेको छ । अमेरिकाले ताइवानका लागि प्रस्तावित अर्को अर्ब डलरको हतियार प्याकेजमा राष्ट्रपतिको स्वीकृति रोकिरहेकै बेला दुई विमान ताइवान पुगेका हुन् ।

एक सिट भएका ती दुई विमान शुक्रबार पूर्वी ताइवानको ताइतुङस्थित चिहहाङ एयर बेसमा पुगेका हुन् । सन् १९९७ मा ताइवानले आफ्नो पहिलो एफ–१६ए/बी विमान प्राप्त गर्न थालेयता यी दुई विमान नै उसले प्राप्त गरेका पहिलो नयाँ एफ–१६ हुन् ।