कोशीका पर्यटकीय क्षेत्रमा बढ्यो आकर्षण, सबैभन्दा धेरै भारतबाट भित्रिए

नेपालको भौगोलिक विविधता र प्राकृतिक सौन्दर्यको अनुपम संगम मानिने कोशी प्रदेशले विश्वको सर्वोच्च शिखर सगरमाथादेखि नेपालकै सबैभन्दा होचो भू–भाग झापाको केचना कवलसम्मको विशाल भू–धरातल ओगटेको छ ।

यही भौगोलिक विशिष्टता र जैविक एवं सांस्कृतिक सम्पन्नताले गर्दा कोशी प्रदेशमा पछिल्लो समय पर्यटन प्रवर्द्धनमा केही आशलाग्दा काम भएका छन् ।