लिग–२ सिरिजमा नेदरल्याण्ड्ससँग खेल्दै नेपाल, प्लेइङ–११ मा एक परिवर्तनको सम्भावना

आइसिसी क्रिकेट विश्वकप लिग–२ सिरिजमा नेपालले आज नेदरल्याण्ड्सँग खेल्दैछ । नेपाल र नेदरल्याण्ड्सबीचको खेल बिहान साढे ९ बजेदेखि कीर्तिपुरस्थित त्रिवि मैदानमा सुरु हुनेछ ।

दुवै टिम जित निकाल्दै जारी श्रृंखलाको अन्त्य गर्न चाहन्छन् । यस सिरिजमा नेपाल र नेदरल्याण्ड्सले समान तीन म्याच खेल्दा दुईमा हार र एक/एक खेलमा जित निकालेका छन् । नेपालले पहिलो खेलमा नामिबियासँग ४ विकेटको हार बेहोर्दा दोस्रो म्याचमा नेदरल्याण्ड्सलाई ९ विकेटले हरायो ।