रुसी आक्रमणमा युक्रेनको राजधानी किभको दोस्रो प्रमुख पुलमा क्षति

काठमाडौं । रुसी सेनाले युक्रेनको राजधानी किभको दोस्रो प्रमुख पुलमा प्रहार गरेको किभका मेयर भिटाली क्लित्स्कोले बताएका छन् । क्लित्स्कोका अनुसार आक्रमणबाट नर्दन ब्रिजको सडकको सतह र ट्रलीबसका माथिल्ला तारमा क्षति पुगेको छ ।

आक्रमणपछि पुलबाट हुने यातायात तत्कालका लागि बन्द गरिएको उनले बताएका छन् । यो आक्रमण रुसी ड्रोनले बिहीबारदेखि किभको दक्षिणी पुललाई पटक–पटक निशाना बनाएपछि भएको हो । उत्तरी र दीक्षणी पुलले किभका पूर्वी र पश्चिमी क्षेत्रलाई जोड्छन् ।