संविधान सभाले संविधान बनाएको होइन : उपेन्द्र यादव

जनता समाजवादी पार्टी (जसपा) नेपालका अध्यक्ष उपेन्द्र यादवले वर्तमान संविधान, संघीय प्रणाली र राज्यको समावेशी चरित्रप्रति असन्तुष्टि जनाउँदै मधेसका राजनीतिक शक्तिहरू पुनः एकजुट भएर अधिकार प्राप्तिको संघर्षमा उत्रनुपर्ने बताएका छन्।

जनमत पार्टीको दोस्रो राष्ट्रिय महाधिवेशनलाई सम्बोधन गर्दै यादवले वर्तमान संविधान निर्माण प्रक्रियामाथि प्रश्न उठाउँदै संविधान सभाले संविधान निर्माण नगरेको दाबी गरे।