इलाका प्रशासन कार्यालयबाट डेढ महिनामै एक सय ९४ जनाले सेवा पाए

ताप्लेजुङको तेल्लोकमा इलाका प्रशासन कार्यालय स्थापना भएको डेढ महिना नपुग्दै झण्डै दुई सय जना नागरिकले सेवा लिएका छन् । सिरिजङ्गा गाउँपालिका–४ तेल्लोकमा कार्यालय स्थापना भएको ४३ औँ दिनसम्म आइपुग्दा एक सय ९४ जना नागरिकले सेवा लिएका हुन् ।

गएको भदौ ५ गतेबाट सेवा प्रारम्भ गरेको छोटो अवधिमै उक्त सङ्ख्यामा स्थानीयले सेवा लिएको कार्यालय प्रमुख श्यामलाल पन्थीले बताउनुभयो । उहाँका अनुसार १ सय १८ जनाले नयाँ नागरिकता लिएका छन् भने ७१ जनालाई नागरिकताको प्रतिलिपि प्रदान गरिएको छ ।