अझै चुनाव सर्ने एमालेको आशंका, अफवाह फैलाएर चलखेल गर्न खोजेको माओवादी नेताको आरोप

स्थानीय तहको निर्वाचनको आचारसंहिता नै लागु भईसकेको छ भने शिर्ष नेताहरुको दौडधुप बढिरहेको छ । देश चुनावी सरगर्मीको रापले तातिरहँदा मतपत्र छपाई पनि सुरु भईसकेको अवस्था छ । तर प्रमुख प्रतिपक्षी एमालले भने सरकारले अझै चुनाव सार्ने चलखेलमा रहेको भन्दै आशंका व्यक्त गरिरहेको छ ।

स्थानीय निर्वाचन आउन अब एक महिनामात्रै बाँकी छ । साना ठूला दलहरु देशव्यापी दौहाडामा छन् । तर सत्ता गठबन्धन गर्ने भन्दै आएका सत्तारूढ दलहरू भने चुनावी अभियानमा खासै सक्रिय भईसकेका छैनन् । जसलाई प्रमुख प्रतिपक्षी एमालेले भने चुनाव सार्ने चलखेलका रुपमा बुझेको छ ।