हिमताल फुट्ने जोखिम घटाउन नेपालमा ५० मिलियन डलरको परियोजना, चार उच्च जोखिमका तालमा निगरानी

नेपालले हिमताल विस्फोटबाट हुने बाढीको जोखिम घटाउन ५० मिलियन अमेरिकी डलर बराबरको परियोजना अघि बढाउने तयारी गरेको छ। परियोजनाले चार उच्च जोखिमयुक्त हिमताल ठूलागी, लोअर बरुण, लुम्दिङ त्सो र होङ्गु–२ लाई लक्षित गर्नेछ।

परियोजनाका लागि हरित जलवायु कोषबाट ३६.१ मिलियन डलर र नेपाल सरकार तथा साझेदारबाट १३.८ मिलियन डलर सहलगानी हुने प्रस्ताव गरिएको छ। विस्तृत अध्ययन तथा डिजाइनको काम सन् २०२७ जुलाईसम्मको आर्थिक वर्षबाट सुरु गर्ने तयारी छ।