जापानीज इन्सेफलाइटिसबाट हालसम्म १३१ जनामा सङ्क्रमण

काठमाडौँ। स्वास्थ्य तथा खाद्य स्वच्छता मन्त्रालयअन्तर्गतको परिवार कल्याण महाशाखाको पछिल्लो प्रतिवेदनअनुसार नेपालमा सन् २०२६ मा हालसम्म १ हजार ३७२ जनामा एक्युट इन्सेफलाइटिस सिन्ड्रोम (एईएस) देखिएकोमा १३१ जनामा जापानीज इन्सेफलाइटिस (जेई) पुष्टि भएको छ।

सङ्क्रमणका कारण हालसम्म २८ जनाको मृत्यु भइसकेको छ। मुलुकका ३७ जिल्लाका ९० स्थानीय तहमा फैलिएको यस सङ्क्रमणबाट प्रभावितमध्ये ८७ प्रतिशत व्यक्तिले खोप नलगाएको प्रतिवेदनमा उल्लेख छ। सङ्क्रमितहरूमध्ये अधिकांश धानखेत तथा सुँगुर फार्म आसपास बसोबास गर्ने र कृषि पेसामा संलग्न नागरिक रहेका छन्।