सुदूरपश्चिम प्रदेशः ऐनविपरीत लिएका गाडी फिर्ता गर्न निर्देशन

धनगढी । सुदूरपश्चिममा दलका नेताहरूले ऐनविपरीत गाडी सुविधा लिएको भन्दै फिर्ता गर्न निर्देशन दिइएको छ । प्रदेशसभाको सार्वजनिक लेखा समितिले सत्तापक्ष दलका नेतालाई दिँदै आएको गाडी सुविधा फिर्ता लिन प्रदेशसभा सचिवालयलाई निर्देशन दिएको हो ।

बिहीबार तीन दिनभित्र गाडी फिर्ता लिन र सुविधा लिएपछि दलका नेताले मर्मतमा गरेको खर्चको विवरण लेखा समितिमा पेस गर्न समितिले सचिवालयलाई निर्देशन दिएको छ ।