ब्राजिलसँग पहिलोपटक खेल्दै भारत, कोलकातामा फुटबलको रौनक

कोलकाता । भारतले शनिबार शक्तिशाली ब्राजिलसँग पहिलोपटक मैत्रीपूर्ण फुटबल खेल खेल्दै छ । खेलअघि कोलकाताका फुटबल समर्थकहरू भने ब्राजिलप्रतिको मोह र आफ्नै देशप्रतिको समर्थनबीच दोधारमा देखिएका छन् ।

पाँच पटकको विश्वकप विजेता ब्राजिलका समर्थकहरूको कोलकातामा ठूलो आधार छ । खेल नजिकिँदै जाँदा सहरका सडकमा ब्राजिलको पहेँलो जर्सी लगाएका समर्थकहरू उल्लेख्य रूपमा देखिएका छन् । विश्व वरीयताको १३८औँ स्थानमा रहेको भारत बलियो प्रतिद्वन्द्वी ब्राजिलविरुद्ध कमजोर टोलीका रूपमा मैदानमा उत्रँदै छ । साल्ट लेक स्टेडियममा हुने खेल स्थानीय समयअनुसार साँझ ७ः३० बजे (१४ः०० जीएमटी) सुरु हुनेछ ।