'पार्वती'को गीतमा टिकटक बनाउनेलाई ५० हजारसम्म पुरस्कार

नीता फिल्म्सको प्रस्तुतीमा निर्माण भएको फिल्म 'पार्वती' ले आफ्नो गीत ‘नौतुना रेलैमा’ मा टिकटक भिडिओ बनाउने दर्शकहरूका लागि पुरस्कार राशिसहितको विशेष प्रतियोगिताको घोषणा गरेको छ।

प्रतियोगितामा सहभागी हुन इच्छुकले उक्त गीतमा सिर्जनात्मक भिडियो बनाएर टिकटकमा पोस्ट गर्नुपर्नेछ। उत्कृष्ट भिडियो र प्राप्त भ्युजका आधारमा तीन जना विजेता छनोट गरिनेछ। प्रथम, द्वितीय र तृतीय हुनेले क्रमशः ५० हजार, ३० हजार र २० हजार रूपैयाँ नगद पुरस्कार प्राप्त गर्नेछन्। साथै, पाँच जना सहभागीलाई चलचित्रको निःशुल्क टिकट पनि प्रदान गरिने जनाइएको छ।