कांग्रेस महाधिवेशनमा ७ हजार बढी प्रतिनिधि सहभागी हुने

नेपाली कांग्रेसका प्रवक्ता देवराज चालिसेले पार्टीको १५औँ महाधिवेशनमा सात हजार ५०० भन्दा बढी प्रतिनिधि सहभागी हुने बताएका छन्। यो कांग्रेसको इतिहासमै सबैभन्दा ठूलो प्रतिनिधि सहभागिता भएको उनको दाबी छ।

महाधिवेशनबारे सञ्चारकर्मीसँग क्ुरा गर्दै उनले विदेशबाट आउने प्रतिनिधिहरूको संख्या अझै यकिन नभइसकेको बताए। निर्वाचन आयोगको सूचनाअनुसार अधिकांश क्षेत्रमा अधिवेशनका काम सम्पन्न भइसकेको र केही सीमित क्षेत्रमा मात्र प्रक्रिया बाँकी रहेको उनले जानकारी दिए।