‘राज्य नै प्रतिशोधमा लाग्नु विधिको सिद्धान्तविपरीत’

काठमाडौँ — न्यायिक वृत्तले कान्तिपुर मिडिया ग्रुपका अध्यक्ष कैलाश सिरोहियाविरुद्ध प्रतिशोध साध्ने मनसायले राज्यले गरेको अभियोजन बदनियतपूर्वक भएको बताएको छ ।

‘राज्य व्यक्तिका विरुद्ध प्रतिशोधपूर्ण ढंगले लाग्नु हुँदैन, यो विधिको सिद्धान्तविरुद्ध छ,’ सर्वोच्च अदालतका पूर्वन्यायाधीश बलराम केसीले भने, ‘कसैलाई मुद्दा हाल्न लगाएर सुनुवाइको मौकासमेत पनि नदिई थुन्नु भनेको राज्यको प्रतिशोध नै हो र यसलाई सच्याउन सरकारले जति ढिलो गर्छ उति उसको क्षति हुन्छ ।’ सहकारी ठगीको विषयमाथि कान्तिपुरले लेखेको समाचारको प्रतिशोध गर्न गृहमन्त्रीले संविधाप्रदत्त प्रेस स्वतन्त्रताविरुद्ध आक्रमण गरेको उनले बताए ।