आफ्नै कीर्तिमान तोडेर कामिरिता ३०औं पटक सगरमाथा शिखरमा

काठमाडौं । विश्वको सर्वोच्च शिखर सगरमाथामा सबैभन्दा धेरैपटक सफल आरोहण गरी विश्व कीर्तिमान बनाएका स्वदेशी आरोही कामिरिता शेर्पाले पुनः ३०औं पटक सगरमाथाको सफल आरोहण गरेका छन् ।

सोलुखुम्बुको खुम्बु पासाङल्हामु गाउँपालिका थामेका ५४ वर्षीय कामिरिताले यसअघि गत ३० वैशाखमा २९औं पटक सगरमाथाको सफल आरोहण गरेका थिए । यसपालि वसन्त ऋतुको एउटै सिजनमा दुईपटक सहित ३०औं पटक सगरमाथा आरोहण गरी उनले बुधबार पुनः थप नयाँ विश्व कीर्तिमान कायम गरेका हुन् ।