संविधान संशोधन गरेर प्रदेश संरचना खारेज गर्नुपर्छ : अध्यक्ष केसी

बुटवल । राष्ट्रिय जनमोर्चाका अध्यक्ष चित्रबहादुर केसीले संविधान संशोधन गरेर प्रदेश संरचना खारेज गर्नुपर्ने बताएका छन् । उनले प्रदेशमा हुने ४ खर्ब बजेट स्थानीय तहमा पठाएर जनचाहाना अनुसार विकासमा लगाउनुपर्ने बताउँदै प्रदेशको अनावश्यक खर्चले देश कंगाल हुन थालेको बताए ।

शुक्रबारदेखि बुटवलमा सुरु भएको राष्ट्रिय जनमोर्चाको दोस्रो राष्ट्रिय परिषद् बैठकमा बोल्दै अध्यक्ष केसीले संघीयता खारेज नहुँदासम्म संविधान कार्यान्वयन हुन नसक्ने बताए ।