हिउँ पग्लँदा जनजीविकामा ठुलो असर

काठमाडौँ, जेठ १० गते । उपप्रधानमन्त्री तथा परराष्ट्रमन्त्री नारायणकाजी श्रेष्ठले जलवायु परिवर्तनका कारण नेपालका हिमालबाट लगातार हिउँ पग्लिँदा हिमाली जनजीविकामा ठुलो असर पुगेको बताउनुभएको छ ।

हिमाल, जनता र जलवायु परिवर्तन नारासाथ बुधबार काठमाडौँमा सुरु भएको अन्तर्राष्ट्रिय विज्ञ संवादको पहिलो सत्रमा उहाँले हिमालमा तापक्रम वृद्धिको दर उच्च रूपमा बढ्दै जानु चिन्ताको विषय रहेको बताउनुभयो ।