मतदान अधिकृत खत्रीले एमाले मुख्यालयमै पुगेर संगठन प्रमुख अधिकारी र सचिव ढुङ्गेलको ‘सातो लिए’

विराटनगर। नेकपा एमाले ओखलढुङ्गाको ११ औँ जिल्ला अधिवेशनका लागि प्रतिनिधि छनोटको विषयलाई लिएर उत्पन्न विवाद पार्टी केन्द्रीय मुख्यालय च्यासलसम्म पुगेको छ। निर्वाचन प्रक्रियाबाट चुनिएका प्रतिनिधिलाई मान्यता नदिई संगठन विभागले पुनः निर्वाचनको निर्देशन दिएपछि ओखलढुङ्गाका एमाले नेता तथा जिल्ला निर्वाचन मतदान अधिकृत सञ्जय खत्रीले केन्द्रीय संगठन विभाग प्रमुख काशीनाथ अधिकारी र सचिव माधव ढुङ्गेलमाथि आक्रोश पोखेका छन्।

पार्टी मुख्यालयमा भएको भेटघाटमा खत्रीले विधि र प्रक्रिया पुर्‍याएर गरिएको निर्वाचन बदर गरिएको भन्दै नेतृत्वको नियतमाथि प्रश्न उठाए ।