रसुवामा पत्रकारहरूलाई अभिमुखीकरण

रसुवा — झुटा सूचना र भ्रमपूर्ण अभिव्यक्तिबाट मतदाताहरूलाई प्रलोभन र प्रभावित नपार्न जिल्ला निर्वाचन कार्यालय रसुवाले उम्मेदवारहरूलाई अनुरोध गरेको छ । जिल्ला निर्वाचन कार्यालय रसुवाले आइतबार पत्रकारहरूका लागि आयोजना गरेको निर्वाचनसम्बन्धी अभिमुखीकरण कार्यक्रममा उम्मेदवारहरूलाई अनुरोध गरेको हो ।

पछिल्लो समय सामाजिकसञ्जाल तथा विभिन्न सञ्चार माध्यबाट उम्मेदवारका झुटा सूचना र भ्रमपूर्ण अभिव्यक्ति आउने गरेको जिल्ला निर्वाचन कार्यालयले बताएको छ । झुटा सूचना र भ्रमपूर्ण अभिव्यक्ति नगर्न जिल्लाका दल तथा उम्मेदवारलाई पत्राचार गरिएको मुख्य निर्वाचन अधिकृत रामचन्द्र पौडेलले बताए ।