चोलेन्द्रसँग सम्पर्क देखिएपछि दीपक भट्टको जेल सरुवा

काठमाडौं– पूर्वप्रधानन्यायाधीश चोलेन्द्र शमशेर जबरासँग सम्पर्कमा रहेको भनिएका इनम सापकोटासँग सम्बन्ध देखिएपछि व्यवसायी दीपक भट्टलाई नक्खु कारागारबाट सिन्धुपाल्चोक कारागार सरुवा गरिएको छ।

शनिबार साँझ भट्टलाई नक्खु कारागारबाट कारागार कार्यालय सिन्धुपाल्चोक पठाइएको हो। सम्पत्ति शुद्धीकरणसम्बन्धी मुद्दामा पुर्पक्षका लागि थुनामा रहेका भट्टलाई सिन्धुपाल्चोक पठाइएको कारागार व्यवस्थापन विभागका एक अधिकृतले पुष्टि गरेका छन्।