‘यो बाटो कता जान्छ ?’ भन्दै लुट्ने गिरोहको पर्दाफास

काठमाडौँ।

राजधानी उपत्यकांमा केही वर्षयता सडकमा एक्लै हिँड्ने महिला, वृद्धवृद्धा र कमजोर देखिएका पैदल यात्रुलाई लक्षित गरेर लुटपाट गर्ने गिरोह फेरि सक्रिय बन्दै गएको छ । ‘यो बाटो कता जान्छ ?’ भन्दै सामान्य प्रश्नबाट कुराकानी सुरु गर्ने र केही सेकेन्डमै पीडितलाई लछारपछार पारेर सुनका सिक्री, गहना, नगद तथा मोबाइल लुटेर फरार हुने यो शैलीले प्रहरीलाई लामो समयदेखि चुनौती दिँदै आएको थियो ।