पुलमुनि टाउको भेटिएका युवक भारतीय रहेको पुष्टि

सर्लाही । सर्लाहीमा पुलमुनि टाउको भेटिएका युवक भारतीय नागरिक रहेको खुलेको छ । हरिवन नगरपालिका अन्तर्गत हरिवन महेन्द्र राजमार्गमा पर्ने लखन्देही पुलमुनि भेटिएको टाउको भारतको विहार राज्यमा पर्ने सीतामढी जिल्ला मनियारी ५ का गोलु भन्ने अभिषेक गिरीको पुष्टि भएको हो ।

जिल्ला प्रहरी कार्यालय सर्लाहीका डीएपी दीपेन्द्र पजियार थारुका अनुसार उनका बुवा दिवाकर राम आएर गिरीको सनाखत गरेका छन् । शुक्रबार टाउकाको सनाखत गरेपछि पोष्टमार्टमका लागि काठमाडौँ पठाइएको डीएसपी थारुले जनाए ।