जेनजी अभियन्ताद्वारा संविधान संशोधनसम्बन्धी छलफलमा सहभागी नहुने घोषणा

जेनजी अभियन्ता माजिद अन्सारी, रक्षा बम लगायत जेनजी प्रतिनिधिहरूले नेपाल सरकारद्वारा आयोजित संविधान संशोधन सम्बन्धी छलफलमा सहभागी नहुने घोषणा गरेका छन्। प्रधानमन्त्री तथा मन्त्रिपरिषद् कार्यालयबाट वैशाख ३० गते पठाइएको पत्रमार्फत आफूहरूलाई संविधान संशोधन विषयमा आमन्त्रण गरिए पनि सहभागी हुन नहुने बताएका छन्।

अभियन्ताहरूले एक वक्तव्य जारी गर्दै नेपालको संविधान पूर्ण नभएको र समयानुकूल संशोधन आवश्यक रहेको उल्लेख गर्दै लोकतन्त्रलाई केवल लिखित कानुन नभई पारदर्शी, जवाफदेही र सहभागितामूलक प्रक्रियाबाट सुदृढ बनाउनुपर्ने बताएका छन्। उनीहरूले संविधान संशोधनको बहस अघि बढाउँदा जनआन्दोलनका म्यान्डेट, सहमति तथा समावेशी प्रक्रियालाई सम्मान गर्नुपर्ने बताएका छन्।