सन् २००६ मा आजको दिन : सामाजिक सञ्जाल ट्विटर खुला

काठमाडौँ — सन् २००६ मा आजकै दिन (जुलाई १५) मा सामाजिक सञ्जाल ट्विटर (हाल एक्स) सर्वसाधारण प्रयोगकर्ताका लागि खुला भएको थियो । ज्याक डोर्सी, इभान विलियम्स, नोआ ग्लास र बिज स्टोनद्वारा २००६ मार्च २१ मा स्थापित ट्विटर स्थापनाको छोटो अवधिमै निकै लोकप्रिय भएको थियो ।

२०१२ सम्ममा ट्विटर प्रयोग गर्नेको संख्या १० करोड नाघिसकेको थियो । एक दशकको अवधिमा यसका प्रयोगकर्ता ३० करोडभन्दा बढी पुगेका थिए । हाल भने यसका ५५ करोडभन्दा बढी सक्रिय प्रयोगकर्ता छन् ।