साउदीमा कम्पनी छाडेर भाग्दा २ नेपालीलाई ३२ लाख जरिमाना

काठमाडौं । वैदेशिक रोजगारीमा राम्रो कमाइ हुने प्रलोभन देखाएर साउदी अरब पुगेका दुई नेपालीलाई ९० हजार ७ सय साउदी रियाल अर्थात् ३२ लाख ४७ हजार नेपाली रुपैयाँ जरिमाना लागेको छ ।

२ वर्ष ६ महिनाअघि साउदी अरब पुगेका सप्तरीका जितेन्द्र सरदार र महोत्तरीका दीपक माझीलाई यति ठूलो जरिमाना लागेको गैरआवासीय नेपाली संघ (एनआरएनए) क्षेत्रीय समन्वय समिति अलकासिमका सचिव सिद्धिलाल श्रेष्ठले जानकारी दिएका छन् ।