रेशम चौधरीलाई जन्मकैदको फैसला सदर

काठमाडौं । पूर्व सांसद रेशम चौधरीलाई जन्मकैद हुने उच्च अदालतको फैसला सर्वोच्च अदालतले सदर गरिदिएको छ । मंगलबार सर्वोच्चका न्यायाधीशद्वय आनन्दमोहन भट्टराई र नहकुल सुवेदीको संयुक्त इजलासले चौधरीलाई जन्मकैद हुने उच्च अदालत दिपायलको फैसला सदर गरिदिएको हो ।

उक्त मुद्दाका आरोपित सीताराम चौधरी र गंगाराम चौधरीलाई भने सर्वोच्चले सफाइ दिएको छ । लक्ष्मण थारुलाई शुरू अदालत (जिल्ला अदालत कैलाली) को फैसला सदर भएको छ । उच्च अदालतले लक्ष्मण थारुलाई ५ वर्ष कैद सजाय सुनाएकोमा सर्वोच्चले त्यसलाई बदर गर्दै ३ वर्ष कैद हुने शुरू अदालतको फैसला सदर गरेको हो ।