सिमसार पहिचान र संरक्षण

नेपालमा जलाधार क्षेत्र धेरै छन् । हिमालमुनि रहेको भौगोलिक बनावटका कारण पनि पानीको स्रोत धेरै छन् । सिमसार क्षेत्र निकै ठूलो मात्रामा त होइन, ससाना क्षेत्रमा प्रस्तै र प्रचुर मात्रामा रहेका छन् । तथापि, तिनको संरक्षण अभाव भने खडकिइरहेको छ ।

सिमसार क्षेत्रमा पानीको सतह र जमिनको सतह प्रायः एकै तह र उचाइमा हुन्छ । यो क्षेत्र भिजेको र सदाबहार पानीका कारण दलदल पनि हुन्छ । यहाँ अत्यधिक आर्द्रता हुन्छ । यहाँ सिमसार बिरुवाको अस्तित्व हुन्छ । नेपालका सिमसार क्षेत्र धानबालीका लागि उपयोगमा ल्याइएका पनि देखिन्छन् । नेपालको राष्ट्रिय सीमसार नीति २०५९ अनुसार ‘जमेको वा बगेको स्थायी वा अस्थायी, प्राकृतिक वा कृत्रिम रूपमा बनेको दलदल क्षेत्र’लाई सिमसार क्षेत्र मानिएको छ ।